یوٹیلیٹی سٹورز پر گھی اور کوکنگ آئل کی قیمتوں میں کمی

وفاقی حکومت نے یوٹیلٹی سٹورز پر تمام برانڈز کے گھی اور کوکنگ آئل کی قیمتیں 5 روپے سے کم کر کے 76 روپے فی کلو فی لیٹر کر دی ہیں۔

نوٹیفکیشن جاری کر دیا گیا ہے جس میں کہا گیا ہے کہ یوٹیلٹی سٹورز پر تمام برانڈز کے گھی اور کوکنگ آئل کی قیمتوں میں کمی کا اطلاق (آج) جمعہ سے ہو گا۔
نوٹیفکیشن کے مطابق ڈالڈا بناسپتی گھی کی قیمت 23 روپے فی کلو کمی سے 600 روپے سے کم کر کے 577 روپے جبکہ ڈالڈا کوکنگ آئل کی قیمت 25 روپے فی کلو کمی سے 651 روپے سے کم کر کے 626 روپے کر دی گئی ہے۔

اسی طرح تلو بناسپتی گھی کی قیمت 18 روپے فی کلو کم ہو کر 588 روپے سے کم ہو کر 570 روپے کر دی گئی ہے جبکہ تلو کوکنگ آئل کی قیمت 18 روپے فی لیٹر کمی سے 638 روپے سے کم کر کے 620 روپے کر دی گئی ہے۔

کشمیر بناسپتی گھی کی قیمت میں 5 روپے فی کلو کمی کر کے 605 روپے سے 600 روپے اور کشمیر کینولا کوکنگ آئل کی قیمت بھی 5 روپے فی لیٹر کمی سے 654 روپے سے کم کر کے 649 روپے کر دی گئی ہے۔

دستک کوکنگ آئل کی قیمت 25 روپے فی لیٹر کمی سے 605 روپے سے کم کر کے 580 روپے جبکہ مجاہد کوکنگ آئل کی قیمت 76 روپے کمی سے 540 روپے فی لیٹر ہو گئی ہے۔

مان کوکنگ آئل کی قیمت بھی 18 روپے فی لیٹر کمی سے 585 روپے ہوگئی۔

سویا سپریم بناسپتی گھی کی قیمت 69 روپے فی کلو کمی سے 614 روپے سے کم کر کے 545 روپے جبکہ سویا سپریم کوکنگ آئل کی قیمت 55 روپے فی لیٹر کمی سے 590 روپے کر دی گئی ہے۔